血併淘寶網

鬼佬有ebay，amazon，祖國都唔失禮，有「淘寶網」！

雖然係祖國咁近，但唔知係咪個系統未成熟，定係共產主義國家特色，付款幾唔方便。沒有PAYPAL，但可用信用卡或大陸銀行戶口找數，不過用香港信用卡要比手續費，唔抵。

退而求其次，可以用「支付寶」，冇手續費，但要登記。方法係先充值你支付寶戶口，香港人冇大陸銀行戶口，只可靠人充值，所以產生咗中間人角色，我就係去呢度充值「淘點」（冇手續費，但又要登記）。只要你個支付寶戶口有＄，喺屋企都隨時可以去血併喇！

我的戰利品「火雲戰衣」。

淘寶買野小貼士：

1. 基本上乜都有得買，但我唔會喺淘寶買外國貨、貴價野、精密電子產品......

2. 揀些近香港的貨，咁運費同時間都可慳d；

3. 集合一定購買數量，最好係同一賣家，運費會平d，甚至可以講價（利用即時聯絡系統）；

4. 物流送貨前會聯絡你，只要雙方同意，隨時改收貨地點都得，好求其；

以上只係我嘅膚淺經驗，如有錯漏、被騙......一概與本人無關，祝血併快樂！