沒有蛇的第廿一天(Part I)~香港高級視聽展2008

除了書展，每年暑假我都會去呢個展覽~AV Show。以往入場費＄５０，今年嚮應通脹，要＄６０！不過由於每位入場人士都有隻大會精選ＳＡＣＤ，所以必定有捧場客。以下相中就係首日剛開始賣飛時的情況，估唔到咁熱鬧。但係一個工作日嘅早上，點解有咁多麻甩佬唔駛返工？

其實嚟呢個show主要目的除了有隻靚靚SACD外，就係見識吓D所謂Hi-End音響，一D就算我中咗六合彩都唔會買的音響！

下圖有兩個銀色欖核形狀嘅其實係一座喇嘛！唔好以為佢得個樣，其實Ｄ聲好靚（幾十萬唔靚聲就奇！），係我最喜歡的器材之一。

另一件我嘅飛佛就係下面呢座唱盤，跟本就係一件藝術品！賣幾多＄？實數唔記得，總之就係我賣咗間屋都唔夠買佢喇！（係我間屋cheap啫）

其實AV Show都唔係淨係得呢D「只應天上有」嘅器材，一般普及D嘅器材，配件，CD......都有得賣，務求一網打盡，大小通吃（我講緊D商人）！總括而言，如果你冇老婆或者女友陪，AV Show不失為一個麻甩佬消磨時間的好去處！