我的第一個Hifi房

經過房東多翻遊說, 決定將廳中影音系統一分為二(即所謂影音分家), 廳中只留作睇電視及dvd, 聽歌就請移玉步到Hifi房啦! 去片.......

由於成本問題, 一切從簡. 首先, 請睇睇整套聽歌系統.


1. 擴音機~銘達MC300-A, 它是一部細功率甲類合併胆機, 每聲道只得8W, 但其實好夠. 點解買佢?因為300B胆出名聽人聲(女)靚, 而且呢部算係好平.
2. 音源(一)~ Philips DVP9000S, 唔好以為佢係DVD機 d聲就唔靚, 實質佢可以升頻, 又可聽SACD,絕對抵玩!
3. 音源(二)~ Rega P2, 二手野, 入門級. 因玩黑膠技術要求很高, 仍在摸索中.
4. 風佬放大~ Cambridge Audio 640P, 老友讓的, 又係抵玩之作. 因聽中有用540R(AV Amp) 對CA d機好有信心!
5. 喇叭~TAD TSM-300, 都係二手野, 咪睇佢其貌不揚, 但聲靚易玩, 仲比人捧到天咁高, 因已停產, 一路升值, 好過買"匯豐"! 可惜對腳賣左, 而家搵緊d好既.

今日講住咁多先, 下次介紹埋間房setting.